Bachapan aik Haseen dour.. aur sooch us say bhi zyada haseen
Aasman ko dekh kar mujhay lagta tha..
Aasman par badal aur sooraj pakram pakraye khail rahay hain.
Main badal ko uksa kar kahti..zara is ko pakru
wo sooraj kay peechay bhagta. . . aur sooraj hanpta kanpta apni jaan bacha kar yahan wuhan phirnay lagta
Aik lamhay k lie badal pooray Aasman par haavy ho jaatay..agalay hi lamhay sooraj moun chirate hue badal kay samnay aa kar dat kar kharay ho jaatay..
main badal say sargoshi main kahti
“Kam khaya karo..Tum say bhaga nahi jaata..”
Raat ko phr Aasman taaru.n say bhar jaata..lagta jaisay kaali siyaah chadar par kissi nay Moti ulaat die hun..
badal raat ko bhi wuhi hotay..
laikin Manzar alaag hota!
Main Aasman par bikhray aur guzartay hue badalu.n ko dekh kar najaanay kitni shaklain banati
Kabhi Lgta kay kissi Artist nay aadha chahra banaya ho..
sar, maata aur aankhain..kabhi baal bikhraye tu kabhi gum ho jatay..
aur achanak badalu.n ki oot main say kahin Shair dharta hua nikal aata..
aur Main dur kay maaray chadar mou.n par rakh kar kissi naye waadi ki sair ko nikal jaati
ibnesayeed Said:
on Jam1000000amSun, 20 Jan 2008 11:29:12 +000008 19,2008 at 09:45 p01
Salam Masnoon.
Baadal aur Sooraj ki yeh aankh macholi to main ne bhi deki hai par zara mukhtalif ehsaasaat ke saath.
Dopahar ke waqfe mein Gaaon se thodi doori par waaqe School se Ghar aur khane ke baad dubaara Ghar se School jaate huye baaraha Dhoop aur Chhaon ko Choohe Billi ka khel khelte dekha hai. Saaye ke aane par mutthi band karke gard bhari kachchi sadak aur fasal kate kheton mein daud bhi lagi hai. Par un dhop chhaaon ke tukdiyon ki raftaar mujh se kahin zyada hoti thi, achaanak dhoop aajane par mutthi khol deta, raftaar az khud sust pad jaati, aur peechhe mud kar naye mehrbaan saaye ki doori ka andaaza karne lagta.
Din ki jalti dhoop mein Aasmaan ki jaanib nigaahen uthana mere bas ki baat na thi haan zameen par ek doosare ka pechha karte dhoop chhaaon Sooraj aur Baadal ki gardish ka pata dete they.
Raat mein yahi aankhmacholi Chaand aur Baadalon mein jaari rehti aur tab main baaraha is kashmakash mein ghaltaan wa pechaan rehta ki donon mein se chal kaun raha hai? Neez yeh ki main jahan kahin jaata hun Chaand mera peechha kiyun karta hai, agar yeh mere saath saath yun hi bhaagta raha to auron ka kya bane ga?
Woh Sooraj, woh Baadal, Woh Chaand aaj bhi gardish mein hain … … … … aur … … … Main bhi.
–
Sawood Alam
http://ibnesayeed.wordpress.com/
tatheer Said:
on Jpm1000000pmMon, 21 Jan 2008 14:50:45 +000008 19,2008 at 09:45 p01
khubsurat lafzon main buna hua khubsurat khayal khoobsurat yaad….
masoom nanhi nanhi khawishain
roshan chamakti aankhon k dilfaraib khaab
kya kehne………………
kainataarzoo Said:
on Jpm1000000pmMon, 21 Jan 2008 15:38:18 +000008 19,2008 at 09:45 p01
@Sawood bhaiya (Ibnesayeed)
itna khubsurat Comment aur itni bahtreen manzar kashi hai k apni tehreer maand lagnay lagi hai
dopahar ki peeli dhoop….gard bhari kachchi sadak..aur chand k saath aankh macholi
buhat khubsurati say apnay is yaad ka aik aur warq palta…
jeetay rahiye
-Kainat Aarzu-
kainataarzoo Said:
on Jpm1000000pmMon, 21 Jan 2008 15:54:44 +000008 19,2008 at 09:45 p01
@tatheer
buhat shukriya
-Kainat Aarzu-